Жалайыр

Abstract

Сүүлд, үндэстэн болж бүрэлдсэн эртний овог аймгийн тухай аман сурвалж, бүр сурвалж бичгийн мэдээ баримтад итгэхэд бэрх байдаг. Аман түүх өгүүлэгчид, гарваль үүслийн тухай яригчид өөрсдийнхөө өвөг дээдсийн тухай нэлээд хожуу үеийн талаар өгүүлж, өвөг дээдсийн хөрш, үгүй бол холилдон суусан овог аймагтай хамаатан садан болгоно. Тэгэхдээ, тухайн нутаг дэвсгэрт аж төрж байсан хүмүүс, тухайн овог аймгийн түүхийг үл салган өгүүлдэг нь үнэнээс хол зөрүү байдаг. Бие даасан овог, аймаг, үндэстэн нь нэг эцэг эхээс гаралтай байх магадлалтай, мөн тийм биш ч байх боломжийг агуулдаг билээ. Төв Азид нутагласан үндэстэн, овог аймгууд янз бүрийн үед, түүхийн янз бүрийн нөхцөлд үүсэн бий болсон бололтой бөгөөд түүхэнд харилцан адилгүй товойн мандаж, харилцан адил, адилгүй түүхэн замыг туулсан байна. Тэдний гарал үүсэл, итгэл үнэмшил, аж ахуй, хэл соёлыг дагалдан антропологийн хэсгүүд үүсжээ. Бид энэ бүхнийг биш дундад эртний түүхэнд тэмдэглэгдсэн Жалайыр аймгийн гарал үүслийн байдал, дараагийн хувь тавилангийн талаар өгүүлэх болно.

English title: Jalaiyir