Mongolia and Russia relations: documents covering 2005-2020 period

Abstract

Монгол-Оросын харилцаа: баримт бичгүүд 2005-2020

ШУА-ийн Олон улсын харилцааны хүрээлэнгийн Орос судлалын салбараас санаачлан эрхлэн хэвлүүлсэн 2005-2020 оны хооронд буюу сүүлийн 15 жилийн хугацаанд Монгол-Оросын хооронд байгуулсан баримт бичгүүдийн энэхүү эмхэтгэл нийт 78 баримтыг багтаасан ба үндсэн гурван хэсгээс бүрдэнэ.
Нэг дэх хэсэгт, заасан хугацаанд Монгол-Оросын харилцаа хэрхэн хөгжиж ирснийг илэрхийлсэн хоёр улсын Ерөнхийлөгч, Засгийн газар, Ерөнхий сайд нарын хооронд байгуулсан гэрээ хэлэлцээрүүд, төрийн дээд хэмжээний айлчлалуудын албан мэдээ, хамтарсан мэдэгдэл, танилцуулга, мөн салбарын яам газруудын хамтын ажиллагааны хэлэлцээрүүд, Монгол Улсын Гадаад харилцааны яам, ОХУ-ын Гадаад хэргийн яам хоорондын харилцааны баримт бичгүүдийг оруулжээ.
Хоёр дахь хэсэгт, мөн хугацааны Монгол-Оросын худалдаа, эдийн засаг, шинжлэх ухаан техникийн хамтын ажиллагааны Засгийн газар хоорондын комиссын хуралдааны протоколууд багтсан бол гурав дахь хэсэгт, Монгол Улсын нийслэл Улаанбаатар хотоос ОХУ-ын субъектүүдтэй байгуулсан гэрээ хэлэлцээрүүдийг оруулжээ.
Монгол Улсын гадаад харилцааны яамны Төв архив, Нийслэлийн засаг даргын тамгын газарт хадгалагдаж байгаа баримтуудад тулгуурлан хийгдсэн энэхүү баримт бичгийн эмхэтгэл нь Монгол-Оросын болон олон улсын харилцаа, бүс нутаг, Монгол Улсын гадаад харилцааны түүх, бодлого, хэрэгжилтийг судлагч эрдэмтэн, багш, оюутан, сонирхогчдын судалгаанд чухал хэрэглэгдэхүүн болох ач холбогдолтой юм.