Юань улсын үеийн өртөө

Abstract

Хүннү нар эдүгээгээс 2000 гаруй жилийн тэртээ Ази, Европыг холбосон хүчирхэг гүрэн байгуулахад элч, улаачийн гүйцэтгэсэн үүрэг асар их байсан нь ойлгомжтой.

Хожмын нүүдэлчдийн төр, улсууд зам харилцааны энэ уламжлалыг залган хөгжүүлснээр Их Монгол улсын үе хүрч XIII зууны үеийн монголчууд дэлхийд анх удаа өртөөг зам тээвэр, харилцаа холбооны цогц сүлжээ болгон зохион байгуулж дэлхийн талыг эзэгнэсэн их гүрний хэмжээнд хэрэглэсэн ажээ.

Монгол улсын үед байгуулагдсан өртөөний тогтолцоо нь Юань улсын үед илүү сайжран хөгжсөн бөгөөд нийт улс даяар 1500 гаруй өртөө (тухайн үед улаачийн газар хэмээн нэрлэгдэж байсан) байгуулсан байна.

Ийнхүү Юань улсын Хубилай хаан дөрвөн зүг, найман зовхисыг холбосон, хааны зарлигыг уламжилж буй элч, алба татвар хураагч, худалдаачин, цэргийнхэн, шашны лам хувраг нарын аюулгүй-байдлыг дээд зэргээр хангасан, өндөр зохион байгуулалттай өртөөний тогтолцоог бий болгож чадсанаараа Монгол, Хятадын төдийгүй дэлхийн зам харилцааны хөгжилд асар их хувь нэмэр оруулсан юм.

Yuan Dynasty Postal System

It is clear that envoys played crucial role in building Hunnu empire which connected Asia, and Europe.

Since then nomads developed this system further, and 13th century Mongolians started using Urtuu (relay posts) as perfect postal, transportation, communication system throughout its vast empire.

Relay posts established during Mongolian empire has been developed even further during Yuan Dynasty, and there were 1500 postal relay stations established.

Kublai Khan, founder of the Yuan Dynasty, could establish perfect postal relay system throughout his empire which safeguarded envoy’s, taxmen’s, traders, military men’s, and religious monk’s safety. This postal relay system establishment not only contributed Mongolian, Chinese postal, transportation, communication system, but also world’s.