ЭРДЭНЭШИШИЙН СОРТ СУДАЛГАА

Abstract

Манай улс сүүлийн жилүүдэд эрчимжсэн мал аж ахуйг хөгжүүлэх, хот суурин газруудын хүн амын мах, сүүний хэрэгцээг түүнээс гарах бүтээгдэхүүнээр хангахад чиглэсэн бодлого, хөтөлбөрүүдийг хэрэгжүүлж байна. Гэвч тэдгээр эрчимжсэн мал аж ахуйд нэн шаардлагатай шүүст тэжээлийг үйлдвэрлэх асуудал шийдэгдээгүйгээс доривтой үр дүн гарахгүй байгаа билээ. Иймд бид Монгол орны газар тариалангийн төв бүсэд ургуулахад тохирсон тэжээлийн өндөр ач холбогдолтой эрдэнэшишийн  сортыг илрүүлэх зорилгоор энэ судалгааны ажлыг гүйцэтгэлээ.

Туршилтанд ХБНГУ-аас гаралтай 2, БНХАУ-аас гаралтай 3 сорт, гибридүүдийг авч Төв аймгийн Борнуур, Угтаалцайдам зэрэг сумдад судалгааг явуулав. Эдгээрээс ХБНГУ-аас гаралтай KWS6001, KWS2030 сортууд соёололт, болц гүйцэх байдал (тарилтаас аарцан болцын эхлэл 110-114 хоног), ургац (21,4-25,4т/га) зэрэг үзүүлэлтээр бусад сортоос илүү байна.