ДЕЛЬТАТРАЗ ДУСААЛГЫН (ПУР-ОН) БЭЛДМЭЛИЙГ БЭЛЧЭЭРИЙН ХАЧИГТ ТУРШСАН ДҮН

Abstract

Импортыг орлохуйц, малын гадна шимэгчийн эсрэг өндөр үйлчилгээтэй байгаль, мал амьтанд ээлтэй акарицид, инсектицид үйлдэл бүхий эмийн бэлдмэл гаргах шаардлагад үндэслэн Молекул генетикийн лабораторит дусаалга (пур-он) хэлбэрийн гадна шимэгчийн эсрэг бэлдмэлийн технологийг боловсруулж, Дельтатраз гэж нэрлэсэн. Дельтатраз бэлдмэлийн хачгийн эсрэг үйлчилгээг Dermacentor nuttalli, Dermacentor daghestanicus, Hyalomma asiaticum зүйл хачигуудад туршин тогтоолоо.

Лабораторийн нөхцөлд дельтатраз пур-он бэлдмэлээр үйлчлэхэд 10 минутын дараагаас хачгийн хөдөлгөөний идэвхи эрс буурч, 72 цагийн дараа хачгийг 100% үхүүлж байв. Малд ассан, цус сорсон Dermacentor nuttalli хачгийн эсрэг үйлчилгээний идэвхийг байгалийн нөхцөлд хачигтсан хонь, ямаанд туршиж үзэхэд Дельтатразад 83.3%, Экотраз (хяналтын бүлэг) 76.4% -ийн үр дүн тус тус үзүүлэв. Тэмээнд дээрх бэлдмэлийг туршихад Dermacentor daghestanicus, Hyalomma asiaticum хачгийн эсрэг идэвхийг тогтоох зорилгоор уг хачгуудаар хачигтсан  тэмээнд туршихад Дельтатраз 81.2%, Экотраз 80.3% үр дүнтэй байлаа.