ГАЗАР ТАРИАЛАНГИЙН ТӨВ БҮСЭД ТАРИМАЛ САГАДЫН СОРТ, АГРОТЕХНИКИЙГ СУДАЛСАН ДҮН

Abstract

Монгол орны газар тариалангийн төв бүсийн хөрс цаг уурын нөхцөлд таримал сагадын сорт, тэдгээрийг тарих тохиромжтой хугацаа, тэжээлийн талбайг тогтоох судалгааны ажлыг явуулав. Судалгааг гадаад орноос гаралтай 2 сортыг тарих хугацааны 3, тэжээлийн талбайн 3 хувилбартайгаар гүйцэтгэв. Судалгааны үр дүнгээс үзэхэд сортууд тарьснаас хойш 80-91 хоногт боловсорч, дунджаар 12.2-15.5 цн/га үрийн ургац өгч байна. Tарих хугацааг судалсан дүнгээс үзэхэд Өвөр Монголын сортод 6-р сарын 05 тарьсан хувилбар хяналтын болон бусад хувилбаруудаас илүү(1.8-3.2 цн/га) ургацтай байхад харин Краснострелецкая сортод 5-р сарын 25-ны хугацаанд тарихад бусад хувилбаруудаас илүү(0.9-1.9 цн/га) ургац өгсөн байна. Тэжээлийн талбайг судалсан дүнгээс үзэхэд аль ч сорт болон тарих хугацааны мөр хооронд 60 см өргөн мөрөөр тарьсан хувилбарт үрийн ургац өндөртэй, бусад хувилбаруудаас 2.3-3.9 цн/га-аар илүү байна. Газар тариалангийн төв бүсийн нөхцөлд дээрхи сортуудыг 5-р сарын 3-р арав хоногт мөр хооронд 60 см өргөн мөрөөр тарих нь тохиромжтой байгааг судалгаагаар тогтоолоо. Судалгаанд хамрагдсан сортууд нь технологийн чанарын хувьд том үртэй, жигдрэлт сайтай, хальсжилт багатай, будааны гарц өндөртэй байгааг илрүүлэв.

DOI: http://dx.doi.org/10.5564/mjas.v10i1.338