ВИРУСГҮЙ ТӨМСНИЙ ҮР ҮРЖҮҮЛГИЙН ТАЛБАРУУД ДАХЬ ҮРИЙН ТӨМСНИЙ ХАДГАЛАЛТЫН СУДАЛГАА

Abstract

Төмсний хадгалалт нь олон хүчин зүйлээс шалтгаалдаг нарийн үйл явц юм. Юуны өмнө хадгалалт нь төмсний насжилтаас шууд хамаарна. Сорт бүрийн хадгалалт даах чадвар ялгаатай. Ургалтын үеийн арчилгаа, цаг уурын нөхцөл, төмсний физиологийн насжилт зэрэг нь чанарт шууд нөлөөлнө. Ган, халуун зэрэг байгалийн стрессийн дарамтанд ургасан төмсний булцууны физиологийн үйл ажиллагаа алдагдаж, биохимийн бүтэц өөрчлөгддөг. Үрийн ба хэрэглээний төмсийг өөр өөр нөхцөлд хадгалах шаардлагатай. Төмс нь газар тариалан, боловсруулах үйлдвэрийн бизнес эрхлэх өрсөлдөөний том талбар юм. Өөрөөр хэлбэл үр үйлдвэрлэл, худалдан борлуулалт, түргэн хоол, дахин боловсруулах үйлдвэрүүд нэгдсэн сүлжээнд орж, өөрсдийн чанд стандартыг мөрдөж байна.

Төмс хадгалах зоорины нөхцөл нь ургацын хувь заяа, бизнесийн амжилтыг шууд тодорхойлох нэг хүчин зүйл юм. Тиймээс Голланд, Герман, Америк зэрэг төмсний тариалан өндөр хөгжсөн орнуудад янз бүрийн хэлбэр загвартай, тохируулгын нарийн системтэй зоориудыг бүтээж ашиглаж байна.

DOI: http://dx.doi.org/10.5564/mjas.v10i1.308