Compared results of agricultural tractors and combine’s engine oil contamination

Abstract

Soot, silicon, and metals, which degrade rapidly in the main contact parts, were selected from the contaminants contained in the engine oil, and a study was conducted to determine the amount of contamination. As part of the research, oil samples were taken from the tractor engine and combine harvester during processing in the field and during harvest, and the amount of oil contamination was determined by laboratory analysis. Laboratory experiments revealed that soot in combine engine is 1.7...2.1 times greater than tractor engine whereas silicon was 3.0...3.3 times slighter and iron was 1.033...1.5 times slighter.

Хөдөө аж ахуйн трактор, комбайны хөдөлгүүрийн тосны бохирдлыг харьцуулан судалсан дүн

Хөдөлгүүрийн тосонд агуулагдах бохирдуулагч элементүүдээс үндсэн харьцлын эд ангиудыг түргэн элэгдүүлдэг хөө тортог, цахиур, төмөрлөгийг сонгон авч, бохирдлын хэмжээг тогтоох судалгааг гүйцэтгэсэн болно. Судалгааны ажлын хүрээнд тариалангийн талбайн уринш боловсруулах болон хаврын тариалалтанд ашиглагдаж буй трактор, үр тариа хураалтанд ашиглагдаж буй комбайны хөдөлгүүрээс санамсаргүй түүврийн аргаар тосны дээжийг цуглуулсан. Тосны дээжинд агуулагдах хөө тортог, цахиур, төмөрлөг элементийн хэмжээг “Текеномикс Монгол” ХХК-ий итгэмжлэгдсэн лабораторт автомат пепитка,  Soot meter, Fluid scan-Q1000 багажуудыг ашиглан тодорхойлов. Лабораторийн шинжилгээний дүнд дээр дурьдсан бохирдуулагч элементүүд нь туршилтанд орсон трактор болон комбайны хөдөлгүүрт өөр өөр байгааг тогтоов. Комбайны хөдөлгүүрийн тосон дахь цахиур тракторын хөдөлгүүртэй харьцуулбал бага байна. Энэ нь комбайны хөдөлгүүрийг бодвол тракторын хөдөлгүүр хөрсний шороо, тоосжилт ихтэй нөхцөлд ажилладагтай холбоотой юм. Тракторын хөдөлгүүрийн тосонд агуулагдах цахиурын хэмжээ харьцангуй өндөр байгаа нь хөдөлгүүрийн үндсэн харьцлын эд ангийн абразив элэгдлийг эрчимжүүлэх хүчин зүйл болж байна.  Харин комбайны хөдөлгүүрийн тосонд агуулагдах хөө тортог тракторын хөдөлгүүрийнхээс их байна.

 Түлхүүр үг: Хөдөлгүүрийн тос, тосны дээж, хөдөлгүүрийн тосны бохирдол, тосны шүүрний бохирдол